Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Aimaq

Pavlodar oblysynda júkti áielderdiń koronavirýs juqtyrýy kóbeidi

Ult portaly
Pavlodar oblysynda júkti áielderdiń koronavirýs juqtyrýy kóbeidi


Sońǵy táýlikte óńirde 7 aiaǵy aýyr áiel adamnan koronavirýs anyqtalǵan, dep habarlaidy Pavlodarnews.kz.

Bul týraly onlain ótken baspasóz jiynynda Pavlodar oblysynyń densaýlyq saqtaý basqarmasynyń basshysy Aidar Seiitqazinov málim etti.

« Oblysymyzda aýrýhanalarǵa KVI juqtyrǵan júkti áielder kóp túsýde. Aiaǵy aýyr áielderge qaýipsizdik sharalaryn saqtaýdy eskertemiz. Qazirgi ýaqytta 44 júkti áiel emdelip jatyr. 1 áiel pnevmoniia juqtyrǵan. Aýrýhanalarda jeńil túrde 34, ortasha jaǵdaida 2, aýyr jaǵdaida 1 júkti áiel bar», - dedi Aidar Seiitqazinov. 

Basqarma basshysynyń aitýynsha, jýyrda ókpesiniń 90 paiyzy zaqymdalǵan júkti áiel bosanǵanyn atap ótti.

«Ol áielde ókpesi derlik tolyq zaqymdanǵan boldy. Júregi toqtady. Shuǵyl sharalar qabyldandy. Áiel adam ózdiginen bosandy. Qazir jaǵdailary jaqsy. Kardiologiialyq ortalyqta jatyr. Qazir tamaqtanady, ózdiginen tynystap, sóileidi. Jaǵdailary jaqsy», - dedi Aidar Seiitqazinov.

№1 qalalyq aýrýhananyń akýsher-ginekology Irina Krasilnikova júkti áiel adamnyń KVI juqtyrýy densaýlyqqa qalai áser etetinin aitty.

Aiaǵy aýyr áieldiń KVI juqtyrýy sharanaǵa áser etedi. Ishtegi balanyń densaýlyǵyna qaýip tóndirýde. Túsik tastaýyna, dúniege kelý ýaqyty jaqyndaǵan sharanalardyń shetinep ketýine áser etken jaǵdailar boldy. Júkti áielder KVI juqtyrǵanyn aýyr qabyldaýda. Psihologilyq turǵyda aýyr tiiýde, - dedi Irina Krasilnikova. 

Irina Krasilnikovanyń aitýynsha, KVI-diń anasynan balaǵa juǵatyn jaǵdailar da oryn alyp turady. 

«Sońǵy ret Ekibastuzdan kelgen áiel adamda osyndai jaǵdai oryn aldy. Onyń qosymsha aýrýlary bolyp, bosanarǵa deiin jansaqtaý bóliminde jatty. Onyń bosanýyna ruqsat berildi. Bosanǵannan keiin balada KVI anyqtaldy. Bala bólek jatqyzyldy. Anasy kelip otyrdy. Emdelýi aiaqtalǵanǵa deiin bizde jatty»- dedi Irina Krasilnikova.

Jyl basynan beri Pavlodar oblysynda 2 áiel adam KVI juqtyrǵan sábidi dúniege ákelgen.

Oqi otyryńyz