Kólik apaty Pavlodar aýdany Shaqat aýylynyń janyndaǵy «Shaqat – Vostochnyi-Shaldai» avtojolynda boldy, dep habarlaidy QazAqparat Pavlodar oblystyq politsiia departamentiniń baspasóz qyzmetine silteme jasap.
«30 sáýir saǵat 09:05–te Pavlodar aýdany Shaqat aýylynyń janyndaǵy «Shaqat – Vostochnyi-Shaldai» avtojolynyń 2 shaqyrymynda «VAZ 2110» markaly avtokóliginiń 24 jastaǵy júrgizýshisi «GAZ 53» markaly avtokóligimen soqtyǵysqan. Jol kólik oqiǵasy saldarynan «VAZ 2110» avtokóliginiń jolaýshylary zardap shekti. 1987 jáne 1978 jyly týǵan 2 adam oqiǵa ornynda qaitys boldy», - delingen resmi aqparatta.
Odan bólek, 1969 jyly týǵan jolaýshy jaraqatpen aýrýhanaǵa jetkizilgen.
«Avtokólikter arnaiy aiyp turaǵyna qoiyldy. Saraptama taǵaiyndalyp, tekserý amaldary júrip jatyr», - dedi vedomstvodan.
