Foto:depositphotos.com
Pavlodar oblysynda aýdannyń jer qatynastary bóliminiń basshysy sottaldy, - dep habarlaidy «Ult aqparat» oblystyq prokýratýranyń baspasóz qyzmetine silteme jasap.
Ertis aýdanynda prokýrorlyq tekseris júrgizilip, aýdany 3 myń gektardan asatyn 2 jer ýchaskesin iri sharýashylyqqa zańsyz berý faktileri anyqtaldy.
Oń qorytyndy alý úshin jer qatynastary bólimi jer komissiiasynyń qaraýyna burmalanǵan derekterdi usynǵan.
Atap aitqanda, eldi mekender jerleriniń sanaty bosalqy jáne aýyl sharýashylyǵy maqsatyndaǵy jerlerge aýystyrylǵan.
Osyndai áreketterdiń nátijesinde memleketke jerdi jalǵa alý somasyn 80 mln. teńgege tómendetý túrinde zalal keltirildi, sondai-aq jaiylymdardyń tapshylyǵy saldarynan jeke mal basyn májbúrlep tómendetken aýyl turǵyndarynyń quqyqtary buzyldy.
Prokýrorlyq qadaǵalaý aktisi boiynsha jerler memleketke qaitaryldy jáne qazir jergilikti halyqtyń ortaq paidalanýynda.
Laýazymdyq ókilettikterin teris paidalaný faktisi boiynsha oblys prokýratýrasy sotqa deiingi tergeý júrgizdi.
22 mamyrda sot úkimimen jer qatynastary bóliminiń basshysy QK-tiń 361-babynyń 4-bóligi 3)-tarmaǵy boiynsha kináli dep tanylyp, 3 jylǵa bas bostandyǵynan aiyryldy.
