Foto: Instagram/radblog_mwsr
Pavlodar oblysyndaǵy alqyzyl Koriakovka kóli taiazdap ketti, - dep habarlaidy Tengrinews.kz.
Qazaqstandyqtar arasynda tanymal bolǵan alqyzyl kól taǵdyry týraly jergilikti turǵyndar áńgimesin bloger Denis Denski jariialady.
"Qazaqstanda endi qyzǵylt kól joq pa? Bul videony blogymnyń oqyrmany túsirgen, ol bir aidan keiin bireýlerdiń kóldi arnaiy qurǵatyp, tuzyn satatynyn jariia etýdi uiǵarǵan. 2020 jyly tanymal bolǵan Koriakovka aýyly mańyndaǵy qyzǵylt kóldi, Pavlodarǵa jaqyn jerde, qurtqan", - dep jazdy ol Instagram-paraqshasynda.
Bloger Pavlodar oblysyndaǵy sý aidyny taǵdyryn Kóbeituz kólimen salystyrdy.
Video paida bolǵannan keiin Pavlodarnews.kz jýrnalisteri oblystyq jer qoinaýyn paidalaný basqarmasyna habarlasqan.
"Tuzdy zańsyz óndirý deregi rastaldy, beinejazbadaǵy sipattamaǵa sáikes kórsetilgen oryn shyndyqqa janasady. Alaida ónerkásip kólemdegi óndiris joq, boljam boiynsha óndirýdi jergilikti turǵyndar óz qajettilikteri úshin júrgizedi, qarapaiym ádister arqyly", - dep jaýap berdi vedomstvo.
Basylym sheneýnikterge silteme jasap, "qysta qar az jaýǵany men erigen sýdyń azdyǵynan kól taiaz bolyp ketken" dep jazady. Jer qoinaýyn paidalaný basqarmasy málimetinshe, Koriakovkada tabiǵi qýat joq, kólge ózender quimaidy. Munyń bári kóldegi sý deńgeiiniń tómendeýine ákelgen.
"Sonymen qatar, biyl oblysta sý ainalymy az, qurǵaqshylyq pen aýa raiynyń joǵary temperatýrasy baiqalyp otyr. Zańsyz óndirýdi boldyrmaý maqsatynda oblys ákimdigi quqyq qorǵaý organdarymen birlese otyryp reidtik is-sharalar ótkizedi", - dep qosty bólim ókilderi.
Eske salaiyq, 2020 jyly Ekologiia ministrligi Pavlodar mańyndaǵy qyzǵylt kóldi qorǵaýǵa alamyz dep ýáde etken bolatyn.
