Foto: TJM
Búgin tańerteń Pavlodar oblysynyń Irtyshsk aýylyndaǵy jeke úide órt shyqty. «101» qyzmetine habar 08:33-de tústi, al úsh minýt ishinde órt sóndirýshiler oqiǵa ornyna jetti, dep habarlaidy Ult.kz.
Pavlodar oblysy TJD Jedel-qutqarý qyzmetiniń basshysynyń orynbasary Berik Omarovtyń aitýynsha, úi tolyqtai otqa oranǵan, jihazdar men turmystyq zattar janyp, shatyrda da órtený baiqalǵan. Qutqarýshylar dereý zardap shekkenderdi izdeýge kiristi.
Úsh kámeletke tolmaǵan bala qutqarylyp, meditsinalyq kómekke tapsyryldy. Alaida keiinirek eki bala aýrýhanada kóz jumǵany belgili boldy.
Órt shamamen 50 sharshy metr aýmaqta sóndirildi. Órttiń shyǵý sebebi anyqtalýda.
Oqiǵa kezinde ata-analar nemese basqa eresekterdiń qaida bolǵany týraly aqparat berilmedi.
