فوتو: تجم
بٷگٸن تاڭەرتەڭ پاۆلودار وبلىسىنىڭ يرتىشسك اۋىلىنداعى جەكە ٷيدە ٶرت شىقتى. «101» قىزمەتٸنە حابار 08:33-دە تٷستٸ, ال ٷش مينۋت ٸشٸندە ٶرت سٶندٸرۋشٸلەر وقيعا ورنىنا جەتتٸ, دەپ حابارلايدى Ult.kz.
پاۆلودار وبلىسى تجد جەدەل-قۇتقارۋ قىزمەتٸنٸڭ باسشىسىنىڭ ورىنباسارى بەرٸك وماروۆتىڭ ايتۋىنشا, ٷي تولىقتاي وتقا ورانعان, جيھازدار مەن تۇرمىستىق زاتتار جانىپ, شاتىردا دا ٶرتەنۋ بايقالعان. قۇتقارۋشىلار دەرەۋ زارداپ شەككەندەردٸ ٸزدەۋگە كٸرٸستٸ.
ٷش كەمەلەتكە تولماعان بالا قۇتقارىلىپ, مەديتسينالىق كٶمەككە تاپسىرىلدى. الايدا كەيٸنٸرەك ەكٸ بالا اۋرۋحانادا كٶز جۇمعانى بەلگٸلٸ بولدى.
ٶرت شامامەن 50 شارشى مەتر اۋماقتا سٶندٸرٸلدٸ. ٶرتتٸڭ شىعۋ سەبەبٸ انىقتالۋدا.
وقيعا كەزٸندە اتا-انالار نەمەسە باسقا ەرەسەكتەردٸڭ قايدا بولعانى تۋرالى اقپارات بەرٸلمەدٸ.
