Batys Qazaqstan oblysynda elektr jaryǵynyń bolmaýynan úilerde jylytý júiesi qatyp qaldy, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, oqiǵa Tasqala aýdany Tasqala aýylynda boldy.
Búgin saǵat 11.30-da aýa raiynyń nasharlaýy saldarynan keshe tórt saǵat ýaqyt boiy aýylda elektr jaryǵy bolmaǵan. Sonyń saldarynan Jeńis kóshesindegi 16-ynshy jáne 18-mekenjaida ornalasqan úsh qabatty eki úide (barlyǵy 44 páter) jylytý júiesi isten shyqqan.
Qazirgi kezde plastikalyq turbalardy aýystyrý jáne jylytý júiesin qyzdyrý jumystary júrgizilýde.
Turǵyndar óz úilerinde.
Jóndeý jáne qalpyna keltirý jumystaryna jergilikti atqarýshy organnan 40 adam, 2 tehnika jumyldyryldy.
Oǵan qosa Atameken aýylynda symnyń qysqa tuiyqtalýy saldarynan 43 abonent elektr qýatynan ajyratyldy.
Qalpyna keltirý jumystarymen «Batys Qazaqstan elektr jelilerin taratý kompaniiasy» AQ (4 qyzmetker, 1 adam) ainalysýda.
Sondai-aq Tasqala aýylynda Abai men S.Jaqsyǵulov kósheleri qiylysynda diametri 100 mm salqyn sý qubyry jaryldy. Saldarynan 500 abonent sýsyz qaldy. Munda «Komhoz» MKQK (10 adam, 3 tehnika) jumys jasaýda.
