باتىس قازاقستان وبلىسىندا ەلەكتر جارىعىنىڭ بولماۋىنان ٷيلەردە جىلىتۋ جٷيەسٸ قاتىپ قالدى, دەپ حابارلايدى "ۇلت اقپارات".
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا تاسقالا اۋدانى تاسقالا اۋىلىندا بولدى.
بٷگٸن ساعات 11.30-دا اۋا رايىنىڭ ناشارلاۋى سالدارىنان كەشە تٶرت ساعات ۋاقىت بويى اۋىلدا ەلەكتر جارىعى بولماعان. سونىڭ سالدارىنان جەڭٸس كٶشەسٸندەگٸ 16-ىنشى جەنە 18-مەكەنجايدا ورنالاسقان ٷش قاباتتى ەكٸ ٷيدە (بارلىعى 44 پەتەر) جىلىتۋ جٷيەسٸ ٸستەن شىققان.
قازٸرگٸ كەزدە پلاستيكالىق تۇربالاردى اۋىستىرۋ جەنە جىلىتۋ جٷيەسٸن قىزدىرۋ جۇمىستارى جٷرگٸزٸلۋدە.
تۇرعىندار ٶز ٷيلەرٸندە.
جٶندەۋ جەنە قالپىنا كەلتٸرۋ جۇمىستارىنا جەرگٸلٸكتٸ اتقارۋشى ورگاننان 40 ادام, 2 تەحنيكا جۇمىلدىرىلدى.
وعان قوسا اتامەكەن اۋىلىندا سىمنىڭ قىسقا تۇيىقتالۋى سالدارىنان 43 ابونەنت ەلەكتر قۋاتىنان اجىراتىلدى.
قالپىنا كەلتٸرۋ جۇمىستارىمەن «باتىس قازاقستان ەلەكتر جەلٸلەرٸن تاراتۋ كومپانيياسى» اق (4 قىزمەتكەر, 1 ادام) اينالىسۋدا.
سونداي-اق تاسقالا اۋىلىندا اباي مەن س.جاقسىعۇلوۆ كٶشەلەرٸ قيىلىسىندا ديامەترٸ 100 مم سالقىن سۋ قۇبىرى جارىلدى. سالدارىنان 500 ابونەنت سۋسىز قالدى. مۇندا «كومحوز» مكقك (10 ادام, 3 تەحنيكا) جۇمىس جاساۋدا.
