Foto: perspektiva-ru.ru
Keshe barlyq mektep shákirtteri úshin oqý jylynyń alǵashqy kúninde sabaqtar ótti. Alaida Pavlodar oblysyndaǵy eki bilim ordasynyń balalary bul kúni mektepten shyǵýǵa májbúr boldy, dep habarlaidy inbusines.kz.
Sebebi eki oqý ornynan tútin shyǵyp, órt sóndirýshilerdi shaqyrýǵa týra keldi. Aldymen Pavlodar qalasyna qarasty Atameken kentindegi №33 mektepten habar tústi. Belgili bolǵandai, ashanadaǵy jelilerdiń qysqa tuiyqtalýy bolǵan. Abyroi bolǵanda, órt shyqqan joq. Dese de, qutqarýshylar kelgenge deiin 460-tan astam adam ózdiginen evakýatsiialandy. Olardyń qatarynda 421 oqýshy bar.
Arada bir saǵat óter-ótpeste tótenshe jaǵdai qyzmetine taǵy bir habar jetti. Bul joly Baianaýyl aýdanyndaǵy №3 mekteptegi elektr symdary tuiyqtaldy. Saldarynan jaryqdiodty shamnyń plastikalyq korpýsy balqyp ketken. Bul oqý ornynan 101 adam, onyń ishinde 91 oqýshy evakýatsiialandy.
Tótenshe jaǵdai qyzmeti mamandarynyń málimdeýinshe, eki jaǵdaida da eshkim zardap shekken joq. Al órt sóndirýshiler ǵimaratty tolyǵymen baqylaýdan ótkizip, jeldetti.
