Pavlodar oblysy Ertis aýylynda 41 jastaǵy turǵyn masań kúiinde Ortalyq stadion aýmaǵynda ishkiimmen júrgen, - dep habarlaidy "Ult aqparat" Polisia.kz-ke silteme jasap.
Er adam kelgen politseilerge desantshy ekenin jáne Ortalyq stadiondy kúzetip júrgenin aitqan.
IIM baspasóz qyzmetiniń málimetinshe, aýyl turǵynyna qatysty usaq buzaqylyq jasaǵany úshin QR Ákimshilik quqyqbuzýshylyq týraly kodeksiniń 434-baby 1-bóligi boiynsha ákimshilik hattama toltyryldy.
Material sotqa jiberilgen. Onyń sheshimimen 7 táýlik merzimge ákimshilik qamaýǵa alý túrinde ákimshilik jaza qoldanylyp, úsh ai merzimge erekshe talaptar belgilengen.
"Sonymen qatar, er adam QR Ákimshilik quqyqbuzýshylyq týraly kodeksiniń 440-baby 1-bóligi "Alkogoldik ishimdikterdi ishý nemese qoǵamdyq oryndarda mas kúiinde júrý" boiynsha ákimshilik jaýapkershilikke tartyldy", - dedi Pavlodar oblysy Ertis aýdandyq politsiia bóliminiń jergilikti politsiia qyzmeti bólimshesiniń bastyǵy Suńǵat Ábenov.
