Pavlodar oblysynda júk poiyzy er adamdy qaǵyp ketti. Atalǵan fakti boiynsha sotqa deiingi tergeý bastaldy, dep habarlaidy Pavlodarnews.kz saity.
Bul týraly kóliktegi politsiia departamenti basshysynyń birinshi orynbasary Qalijan Qoblandin aitty.
2021 jylǵy 24 aqpanda saǵat 16:22-de Pavlodar stantsiiasyndaǵy jelilik politsiia bólimine Jolqudyq stantsiiasyndaǵy júk poiyzynyń mashinisi temirjol ótkelinen ótip bara jatqan adamdy belgilenbegen jerde basyp ketkeni týraly habarlama kelip túsken.
Saldarynan er adam alǵan jaraqattarynan oqiǵa ornynda kóz jumdy.
- Biz azamattardy jeke qaýipsizdik erejelerin múltiksiz saqtaýǵa shaqyramyz. Temirjoldardan ótý tek belgilengen jáne jabdyqtalǵan oryndarda ǵana ruqsat etiletinin eske salamyz, - dep atap ótti Qalijan Qoblandin.
Onyń aitýynsha, jyl basynan beri poiyzdardy shuǵyl tejeýdiń 261 faktisi tirkelgen, onyń 63-i temirjol tóseminde adamdardyń, 192- i maldyń bolýyna bailanysty.
Belgilenbegen oryndarda temirjoldan ótkenderi úshin 144 adam ákimshilik jaýapkershilikke tartyldy.
