پاۆلودار وبلىسىندا جٷك پويىزى ەر ادامدى قاعىپ كەتتٸ. اتالعان فاكتٸ بويىنشا سوتقا دەيٸنگٸ تەرگەۋ باستالدى, دەپ حابارلايدى Pavlodarnews.kz سايتى.
بۇل تۋرالى كٶلٸكتەگٸ پوليتسييا دەپارتامەنتٸ باسشىسىنىڭ بٸرٸنشٸ ورىنباسارى قاليجان قوبلاندين ايتتى.
2021 جىلعى 24 اقپاندا ساعات 16:22-دە پاۆلودار ستانتسيياسىنداعى جەلٸلٸك پوليتسييا بٶلٸمٸنە جولقۇدىق ستانتسيياسىنداعى جٷك پويىزىنىڭ ماشينيسٸ تەمٸرجول ٶتكەلٸنەن ٶتٸپ بارا جاتقان ادامدى بەلگٸلەنبەگەن جەردە باسىپ كەتكەنٸ تۋرالى حابارلاما كەلٸپ تٷسكەن.
سالدارىنان ەر ادام العان جاراقاتتارىنان وقيعا ورنىندا كٶز جۇمدى.
- بٸز ازاماتتاردى جەكە قاۋٸپسٸزدٸك ەرەجەلەرٸن مٷلتٸكسٸز ساقتاۋعا شاقىرامىز. تەمٸرجولداردان ٶتۋ تەك بەلگٸلەنگەن جەنە جابدىقتالعان ورىنداردا عانا رۇقسات ەتٸلەتٸنٸن ەسكە سالامىز, - دەپ اتاپ ٶتتٸ قاليجان قوبلاندين.
ونىڭ ايتۋىنشا, جىل باسىنان بەرٸ پويىزداردى شۇعىل تەجەۋدٸڭ 261 فاكتٸسٸ تٸركەلگەن, ونىڭ 63-ٸ تەمٸرجول تٶسەمٸندە ادامداردىڭ, 192- ٸ مالدىڭ بولۋىنا بايلانىستى.
بەلگٸلەنبەگەن ورىنداردا تەمٸرجولدان ٶتكەندەرٸ ٷشٸن 144 ادام ەكٸمشٸلٸك جاۋاپكەرشٸلٸككە تارتىلدى.
