Ekibastuz qalasynda jumys ornynda biiktikten qulaǵan 47 jastaǵy er adam aýrýhanaǵa jetkizildi, dep habarlaidy "Ult aqparat".
«20 tamyz kúni saǵat 13.50-de Ekibastuz qalasynyń aýrýhanasyna 47 jastaǵy er adam jetkizildi. Er adam JShS-te metall qalaýshy bolyp jumys isteitini anyqtaldy. Ol jumys atqarý kezinde metall konteinerden tómenge qulap túsken», - dep málimdedi Pavlodar oblystyq politsiia departamentiniń baspasóz qyzmetinen.
Tártip saqshylarynyń málimetinshe, sol kúni osyǵan uqsas taǵy bir oqiǵa boldy. Saǵat 17.00-da Ekibastuz qalasynyń aýrýhanasyna jaraqat alǵan 30 jastaǵy er adam jetkizildi.
«Politsiia er adamnyń JShS-tiń birinde temir jelimdeýshi bolyp jumys isteitinin anyqtady. Ol jumys atqarý kezinde agregattan tómen qulap túsken», - dep atap ótti baspasóz qyzmetinen.
