Foto: pixabay.com
Pavlodar oblysynda eki bala sýǵa ketti, - dep habarlaidy "Ult aqparat" pavlodarnews.kz portalyna silteme jasap.
Qaiǵyly oqiǵa Ekibastuz qalasyna qarasty Báiet aýylynda bolǵan.
Oblystyq Tótenshe jaǵdailar departamenti baspasóz qyzmetiniń málimetinshe, 5 shildede Báiet aýylynda 6 jáne 7-synyptyń eki oqýshysy saǵat 18.00-de úiden kanalǵa qarai shyǵyp, joǵalyp ketken.
"Jaqyn jerde ata-analary men basqa eresekter bolmaǵan. Balalardyń zattary jaǵadan tabyldy. Qutqarýshylardyń kúshimen deneleri tabylyp, sýdan shyǵaryldy", - dedi departament ókilderi.
Shomylý maýsymy bastalǵaly beri óńirde úsh adam sýda batqan.
Tótenshe jaǵdailar departamentiniń qyzmetkerleri sýdaǵy qaýipsizdik erejelerin saqtaýdyń mańyzdyǵy týraly eske salady.
