Pavlodar oblysynda balalardy qutqarý úshin basyn qaterge tikken politseilerdiń aty-jóni anyqtaldy, - dep habarlaidy kaz.tengrinews.kz oblystyq IID baspasóz qyzmetiniń ókilderine silteme jasap.
Baianbek Júnisov. Politsiianyń aǵa serjanty
Pavlodar oblysy IID Baianbek Júnisov dene jaraqattaryn alǵanyn rastady. Ol aýrýhanaǵa barýdan bas tartty
Murat Nurseiitov. Politsiianyń aǵa serjanty.
Qazirgi ýaqytta jansaqtaý bóliminde jatyr. Onyń úsh balasy bar.
Politseilerdi densaýlyǵy durystalǵannan keiin nagradaǵa usynylady, - dedi Pavlodar oblysynyń IID-niń qyzmetkerleri.
Eske salaiyq, oqiǵa búgin bolǵan. Baianaýyl aýdandyq ishki ister bólimi politsiiasynyń qyzmetkerleri qyzmettik Lada Granta kóligimen balalar otyrǵan avtobýsty alyp kele jatqan. Balalar Pavlodardaǵy shańǵy jarysyna qatysýǵa bara jatqan. Kenet Pavlodar-Astana avtojolynda Qalqaman aýylynyń mańynda KamAZ júrgizip kele jatqan 50 jastaǵy júrgizýshi qarsy baǵyttaǵy jolǵa shyǵyp ketken. Júk kóligi men balalar otyrǵan avtobýs soǵyspaýy úshin politsiia starshinasy Murat Nurseiitov oilanbastan qyzmettik kólikti jolǵa kóldeneń buryp úlgergen. Osydan keiin avtobýsqa qarai kele jatqan KamAZ politsiia kóligin soqqan. Jol apatynyń saldarynan politsei túrli jaraqatymen Pavlodardaǵy aýrýhanaǵa jetkizilgen. Avtobýsta 18 bala jáne olardy alyp kele jatqan tórt tárbieshi bolǵan. Qazirgi ýaqytta 39 jastaǵy politsei jansaqtaý bóliminde jatyr. Onyń jaǵdaiyn dárigerler asa aýyr dep baǵalap otyr.
