پاۆلودار وبلىسىندا بالالاردى قۇتقارۋ ٷشٸن باسىن قاتەرگە تٸككەن پوليتسەيلەردٸڭ اتى-جٶنٸ انىقتالدى, - دەپ حابارلايدى kaz.tengrinews.kz وبلىستىق ٸٸد باسپاسٶز قىزمەتٸنٸڭ ٶكٸلدەرٸنە سٸلتەمە جاساپ.
بايانبەك جٷنٸسوۆ. پوليتسييانىڭ اعا سەرجانتى
پاۆلودار وبلىسى ٸٸد بايانبەك جٷنٸسوۆ دەنە جاراقاتتارىن العانىن راستادى. ول اۋرۋحاناعا بارۋدان باس تارتتى
مۇرات نۇرسەيٸتوۆ. پوليتسييانىڭ اعا سەرجانتى.
قازٸرگٸ ۋاقىتتا جانساقتاۋ بٶلٸمٸندە جاتىر. ونىڭ ٷش بالاسى بار.
پوليتسەيلەردٸ دەنساۋلىعى دۇرىستالعاننان كەيٸن ناگراداعا ۇسىنىلادى, - دەدٸ پاۆلودار وبلىسىنىڭ ٸٸد-نٸڭ قىزمەتكەرلەرٸ.
ەسكە سالايىق, وقيعا بٷگٸن بولعان. باياناۋىل اۋداندىق ٸشكٸ ٸستەر بٶلٸمٸ پوليتسيياسىنىڭ قىزمەتكەرلەرٸ قىزمەتتٸك Lada Granta كٶلٸگٸمەن بالالار وتىرعان اۆتوبۋستى الىپ كەلە جاتقان. بالالار پاۆلودارداعى شاڭعى جارىسىنا قاتىسۋعا بارا جاتقان. كەنەت پاۆلودار-استانا اۆتوجولىندا قالقامان اۋىلىنىڭ ماڭىندا كاماز جٷرگٸزٸپ كەلە جاتقان 50 جاستاعى جٷرگٸزۋشٸ قارسى باعىتتاعى جولعا شىعىپ كەتكەن. جٷك كٶلٸگٸ مەن بالالار وتىرعان اۆتوبۋس سوعىسپاۋى ٷشٸن پوليتسييا ستارشيناسى مۇرات نۇرسەيٸتوۆ ويلانباستان قىزمەتتٸك كٶلٸكتٸ جولعا كٶلدەنەڭ بۇرىپ ٷلگەرگەن. وسىدان كەيٸن اۆتوبۋسقا قاراي كەلە جاتقان كاماز پوليتسييا كٶلٸگٸن سوققان. جول اپاتىنىڭ سالدارىنان پوليتسەي تٷرلٸ جاراقاتىمەن پاۆلودارداعى اۋرۋحاناعا جەتكٸزٸلگەن. اۆتوبۋستا 18 بالا جەنە ولاردى الىپ كەلە جاتقان تٶرت تەربيەشٸ بولعان. قازٸرگٸ ۋاقىتتا 39 جاستاعى پوليتسەي جانساقتاۋ بٶلٸمٸندە جاتىر. ونىڭ جاعدايىن دەرٸگەرلەر اسا اۋىر دەپ باعالاپ وتىر.
