Pavlodar oblysynda jalǵan issaparlar resimdegen sheneýnikter sottaldy. Isti Pavlodar qalasynyń №2 soty qarady, dep habarlaidy "Ult aqparat" Pavlodarnews.kz-ke silteme jasap.
Oblystyq sottyń baspasóz qyzmetiniń málimetinshe, oblystyq sáýlet basqarmasy memlekettik qyzmetkerleriniń kinási kýágerlerdiń aiǵaqtarymen, tiisti qujattarmen jáne sot saraptamalarynyń qorytyndylarymen dáleldengen.
Senip tapsyrylǵan memlekettik múlikti birneshe ret iri mólsherde ysyrap etkeni úshin QK-niń 189-baby 3-bóligi 1), 2), 3) - tarmaqtaryna sáikes biýdjet qarajatyn jymqyrý boiynsha basqarma basshysy, ákimshilik bóliminiń basshysy, bas maman, bólim basshysynyń mindetin atqarýshy sottaldy.
Sonymen qatar, taǵy bir pavlodarlyq Qylmystyq kodekstiń 364-baby 1-bóligi boiynsha kásipkerlik qyzmetke zańsyz qatysqany úshin sottaldy.
– 2018 jyldyń shildesinde úsh memlekettik qyzmetshi 1,6 mln teńge kóleminde keń formatty skaner satyp alýǵa bólingen memlekettik biýdjetten aqsha jymqyrǵan, – dep habarlady oblystyq sotta. – Olar 2019 jyldyń qańtarynan 2020 jyldyń jeltoqsanyna deiingi kezeńde jalǵan issaparlar resimdep, 8,9 mln teńgeni qaltaǵa basqan.
