پاۆلودار وبلىسىندا جالعان ٸسساپارلار رەسٸمدەگەن شەنەۋنٸكتەر سوتتالدى. ٸستٸ پاۆلودار قالاسىنىڭ №2 سوتى قارادى, دەپ حابارلايدى "ۇلت اقپارات" Pavlodarnews.kz-كە سٸلتەمە جاساپ.
وبلىستىق سوتتىڭ باسپاسٶز قىزمەتٸنٸڭ مەلٸمەتٸنشە, وبلىستىق سەۋلەت باسقارماسى مەملەكەتتٸك قىزمەتكەرلەرٸنٸڭ كٸنەسٸ كۋەگەرلەردٸڭ ايعاقتارىمەن, تيٸستٸ قۇجاتتارمەن جەنە سوت ساراپتامالارىنىڭ قورىتىندىلارىمەن دەلەلدەنگەن.
سەنٸپ تاپسىرىلعان مەملەكەتتٸك مٷلٸكتٸ بٸرنەشە رەت ٸرٸ مٶلشەردە ىسىراپ ەتكەنٸ ٷشٸن قك-نٸڭ 189-بابى 3-بٶلٸگٸ 1), 2), 3) - تارماقتارىنا سەيكەس بيۋدجەت قاراجاتىن جىمقىرۋ بويىنشا باسقارما باسشىسى, ەكٸمشٸلٸك بٶلٸمٸنٸڭ باسشىسى, باس مامان, بٶلٸم باسشىسىنىڭ مٸندەتٸن اتقارۋشى سوتتالدى.
سونىمەن قاتار, تاعى بٸر پاۆلودارلىق قىلمىستىق كودەكستٸڭ 364-بابى 1-بٶلٸگٸ بويىنشا كەسٸپكەرلٸك قىزمەتكە زاڭسىز قاتىسقانى ٷشٸن سوتتالدى.
– 2018 جىلدىڭ شٸلدەسٸندە ٷش مەملەكەتتٸك قىزمەتشٸ 1,6 ملن تەڭگە كٶلەمٸندە كەڭ فورماتتى سكانەر ساتىپ الۋعا بٶلٸنگەن مەملەكەتتٸك بيۋدجەتتەن اقشا جىمقىرعان, – دەپ حابارلادى وبلىستىق سوتتا. – ولار 2019 جىلدىڭ قاڭتارىنان 2020 جىلدىڭ جەلتوقسانىنا دەيٸنگٸ كەزەڭدە جالعان ٸسساپارلار رەسٸمدەپ, 8,9 ملن تەڭگەنٸ قالتاعا باسقان.
