Pavlodar oblysynda adamdar mingen avtobýs shuńqyrǵa túsip ketti. Shahta jumysshylary oqiǵa ornyn videoǵa túsirip alǵan, - dep habarlaidy Tengrinews.kz saity.
Resmi málimet boiynsha, 4 qańtarda saǵat 01:25 shamasynda Pavlodar oblysy Baianaýyl aýdanynda "Maiqaiyńzoloto" AQ aýmaǵynda, Maiqaiyń kenishi shahtasynyń mańynda tórt jolaýshysy bar avtobýs tazartý alańyna qulap ketken.
"Qum arasynan eki qutqarýshynyń denesi tabyldy. Olardy joǵaryǵa shyǵarý jumystary júrip jatyr. Biz áriptesterimizdiń otbasyna qaiǵyra kóńil aitamyz", - delingen KÁAQQ ROSh aqparatynda.
Eske salaiyq, buǵan deiin Pavlodar oblysynyń Baianaýyl aýdanynda "Maiqaiyńzoloto" AQ-na qarasty shahta janyndaǵy tazartý keńistiginde kenish opyrylyp 4 jolaýshysy bar avtobýs qulap ketkeni habarlanǵan edi. Oblystyq tótenshe jaǵdailar qyzmeti baspasóz qyzmetiniń málimetinshe, opyrylǵan jerdiń uzyndyǵy shamamen 150-200 metr, eni - 500 metr, tereńdigi - 150 metr.
video: Tengrinews.kz
