2019 jyly Pavlodar oblysynda 74 kelisimsharttyq jer qoinaýyn paidalaný obektilerinde 61 kásiporyn paidaly qazbalardy óndirýmen ainalysqan, dep habarlaidy pavlodarnews.kz.
Ekologiia departamentiniń basshysy Iliias Quramysov jer qoinaýyn paidalanýshylardyń negizgi bóligi - áktas, qurylys tasy, qum, qaptaý tasy, saz, kirpish sazy, qum-qiyrshyqtas qospasy, as tuzy siiaqty paidaly qazbalardy óndirýmen shuǵyldanatyndyǵyn málim etti. Jer qoinaýyn paidalaný obektilerin baqylaý, paidaly qazbalardy zańsyz aýlaýdy boldyrmaý maqsatynda atalmysh Departament oblystyń jergilikti politsiia qyzmetimen birlese otyryp, Jol kartasyn ázirledi. Sondai-aq mobildik top quryldy. Jańa jabdyq - Galaxy G1 modeliniń ǵalamdyq navigatsiialyq spýtnik júiesin paidalanýdyń arqasynda 3,1 mlrd teńgeden astam soma kóleminde paidaly qazbalardy zańsyz óndirýdiń 8 faktisi anyqtaldy.
Iliias Quramysovtyń aitýynsha, Aqsý qalasynyń aýyldyq aimaǵynda Bereke kentiniń aýmaǵynda jerseriktik júieni paidalana otyryp júrgizilgen reidtik is-sharalar barysynda 23 441,1 tekshe metr kóleminde qum-qiyrshyqtas qospasyn óz betimen óndirý faktileri anyqtalǵan. Onyń ekologiialyq zalal somasy 365 mln teńgeni qurady. Osyndai buzýshylyqtarǵa Pavlodar qalasyndaǵy «Dostyq» shaǵynaýdanynyń qurylys aýmaǵyn josparlaý boiynsha jumystardy júzege asyrý kezinde jol berilgen. Kenjekól aýyldyq okrýgindegi karerden zańsyz 236 myń tekshe metr qum alý nátijesinde somasy 2,3 mlrd teńgege ekologiialyq shyǵyn keltirilgen. Qazirgi ýaqytta zańsyz aýlaýdyń barlyq faktileri boiynsha sotqa deiingi tergeý júrgizilýde.
