Foto: Polisia.kz
Pavlodar oblysynda 26 jastaǵy júrgizýshi 50 jastaǵy er adamdy qaǵyp ketti, - dep habarlaidy "Ult aqparat" Polisia.kz Telegram-arnasyna silteme jasap.
IIM baspasóz qyzmetiniń málimetinshe, 3 maýsymda Pavlodar oblysy Aqsý qalasynda M.Mámetova kóshesimen júrip kele jatqan VAZ-2108 avtokóliginiń 26 jastaǵy júrgizýshisi 50 jastaǵy jaiaý júrginshini qaǵyp ketken, ol júris bóligin belgisiz jerden ótken. Saldarynan jaiaý júrginshi alǵan dene jaraqatynan oqiǵa ornynda qaitys boldy.
Al 4 maýsym Aqtoǵai-Sholaqsor avtojolynyń 97 shaqyrymynda, Jalauly aýylynyń mańynda, Volkswagen Passat kóliginiń 47 jastaǵy júrgizýshisi róldi basqara almai, kiývetke túsken. Saldarynan avtokólik júrgizýshisi alǵan dene jaraqatynan sol jerde kóz jumǵan.
"JKO faktilerine qatysty QR QK 345-babynyń 3-bólimi boiynsha sotqa deiingi tergep-tekserý bastaldy. Qajetti saraptamalar taǵaiyndaldy. Avtokólikter arnaiy aiyppul turaǵyna qoiyldy" - delingen habarlamada.
