Pavlodar oblysynda 12 jasynda bosanǵan qyzdy zorlady degen kúdikpen jaqyn týysy ustaldy.
Almaty, NEGE.Qyzdyń júktiligi týraly birinshi bolyp muǵalimder bilgen. Muǵalimder oqýshy qyzdyń boiyndaǵy ózgeristi baiqap, ata-anasyna habarlaǵan.
Málimetterge sensek, jasóspirimdi zorlady dep onyń týysy, jergilikti kolledj stýdenti kúdikke ilindi. Mektep oqýshysy qazir ózin jaqsy sezinip, qyzdy dúniege ákeldi. Sheneýnikter balanyń mektepti oidaǵydai bitirýi úshin barlyq sharany qoldanýǵa ýáde berdi.
«Júktilik faktisin mektep ákimshiligi oqýshy kóktemgi kanikýldan oralǵannan keiin anyqtady. Sodan keiin aqparat tiisti organdarǵa berildi. Boijetken men onyń anasy dereý aýrýhanaǵa jetkizildi. Naýqas oblystyq perinataldyq ortalyqqa 19 shildede túsip, 20-sy kúni bosanǵan. Ana men balanyń jaǵdaiy qanaǵattanarlyq dep baǵalanyp otyr. Qazirgi ýaqytta Sharbaqty aýdanynyń ishki ister organdary tergeý amaldaryn júrgizip jatyr», – dedi Pavlodar oblysynyń bilim basqarmasynan.
Oqýshy qyzdyń ózi ataýly áleýmettik kómek alatyn kópbalaly jáne az qamtylǵan otbasynan shyqqan. Ákimdik qyzdyń ákesine jumysqa ornalasýǵa da kómektesti. Ol qazir Galkin atyndaǵy mektepte ot jaǵýshy bolyp jumys isteidi. Kámeletke tolmaǵan balany zorlaý deregi boiynsha Qylmystyq kodekstiń 120-babynyń 4-bóligi (Birneshe ret zorlaý) boiynsha sotqa deiingi tergeý amaldary júrgizilip jatyr. Kúdikti ómir boiyna bas bostandyǵynan aiyrylýy múmkin.
Osy kezde áleýmettik jelilerde mektep direktorynyń jumystan bosatylǵany týraly aqparat paida boldy. Aýdandyq bilim bólimi bul derekti rastamady.
«Fakti anyqtalǵannan keiin direktor jumysta boldy. Ishki tekserý boldy. Sodan keiin ol ýaqytqa eńbekke jaramsyz demalysyna ketti. Eńbekke jaramsyzdyq paraǵy shyqqan soń óz erkimen aryz jazdy», – dep túsindirdi aýdandyq bilim bóliminiń basshysy Maralbek Itemgenov.
