پاۆلودار وبلىسىندا 12 جاسىندا بوسانعان قىزدى زورلادى دەگەن كٷدٸكپەن جاقىن تۋىسى ۇستالدى.
الماتى, NEGE.قىزدىڭ جٷكتٸلٸگٸ تۋرالى بٸرٸنشٸ بولىپ مۇعالٸمدەر بٸلگەن. مۇعالٸمدەر وقۋشى قىزدىڭ بويىنداعى ٶزگەرٸستٸ بايقاپ, اتا-اناسىنا حابارلاعان.
مەلٸمەتتەرگە سەنسەك, جاسٶسپٸرٸمدٸ زورلادى دەپ ونىڭ تۋىسى, جەرگٸلٸكتٸ كوللەدج ستۋدەنتٸ كٷدٸككە ٸلٸندٸ. مەكتەپ وقۋشىسى قازٸر ٶزٸن جاقسى سەزٸنٸپ, قىزدى دٷنيەگە ەكەلدٸ. شەنەۋنٸكتەر بالانىڭ مەكتەپتٸ ويداعىداي بٸتٸرۋٸ ٷشٸن بارلىق شارانى قولدانۋعا ۋەدە بەردٸ.
«جٷكتٸلٸك فاكتٸسٸن مەكتەپ ەكٸمشٸلٸگٸ وقۋشى كٶكتەمگٸ كانيكۋلدان ورالعاننان كەيٸن انىقتادى. سودان كەيٸن اقپارات تيٸستٸ ورگاندارعا بەرٸلدٸ. بويجەتكەن مەن ونىڭ اناسى دەرەۋ اۋرۋحاناعا جەتكٸزٸلدٸ. ناۋقاس وبلىستىق پەريناتالدىق ورتالىققا 19 شٸلدەدە تٷسٸپ, 20-سى كٷنٸ بوسانعان. انا مەن بالانىڭ جاعدايى قاناعاتتانارلىق دەپ باعالانىپ وتىر. قازٸرگٸ ۋاقىتتا شارباقتى اۋدانىنىڭ ٸشكٸ ٸستەر ورگاندارى تەرگەۋ امالدارىن جٷرگٸزٸپ جاتىر», – دەدٸ پاۆلودار وبلىسىنىڭ بٸلٸم باسقارماسىنان.
وقۋشى قىزدىڭ ٶزٸ اتاۋلى ەلەۋمەتتٸك كٶمەك الاتىن كٶپبالالى جەنە از قامتىلعان وتباسىنان شىققان. ەكٸمدٸك قىزدىڭ ەكەسٸنە جۇمىسقا ورنالاسۋعا دا كٶمەكتەستٸ. ول قازٸر گالكين اتىنداعى مەكتەپتە وت جاعۋشى بولىپ جۇمىس ٸستەيدٸ. كەمەلەتكە تولماعان بالانى زورلاۋ دەرەگٸ بويىنشا قىلمىستىق كودەكستٸڭ 120-بابىنىڭ 4-بٶلٸگٸ (بٸرنەشە رەت زورلاۋ) بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر. كٷدٸكتٸ ٶمٸر بويىنا باس بوستاندىعىنان ايىرىلۋى مٷمكٸن.
وسى كەزدە ەلەۋمەتتٸك جەلٸلەردە مەكتەپ ديرەكتورىنىڭ جۇمىستان بوساتىلعانى تۋرالى اقپارات پايدا بولدى. اۋداندىق بٸلٸم بٶلٸمٸ بۇل دەرەكتٸ راستامادى.
«فاكتٸ انىقتالعاننان كەيٸن ديرەكتور جۇمىستا بولدى. ٸشكٸ تەكسەرۋ بولدى. سودان كەيٸن ول ۋاقىتقا ەڭبەككە جارامسىز دەمالىسىنا كەتتٸ. ەڭبەككە جارامسىزدىق پاراعى شىققان سوڭ ٶز ەركٸمەن ارىز جازدى», – دەپ تٷسٸندٸردٸ اۋداندىق بٸلٸم بٶلٸمٸنٸڭ باسشىسى مارالبەك يتەمگەنوۆ.
