«Qaiyrymdy ister marafony» ulttyq jobasy aiasynda uiymdastyrylǵan «Eń meiirimdi» baiqaýynda Pavlodar oblysy «Eń meiirimdi óńir» ataǵyna ie boldy, dep habarlaidy QazAqparat.
Atalǵan joba aiasynda Shyǵys Qazaqstan oblysy II oryn alsa, Qaraǵandy oblysy júldeli III oryn ielendi.
Pavlodar oblysy bul marapatqa óńirde qairymdylyq sharalarynyń óte kóp uiymdastyrylýynyń arqasynda ie bolyp otyr.
Eske sala keteiik, «Qaiyrymdy ister marafony» jalpyulttyq jobasy Azamattyq bastamalardy qoldaý ortalyǵy men Aqparat jáne qoǵamdyq damý ministrliginiń qoldaýymen júzege asyp jatyr.
Jobanyń basty maqsattarynyń biri – jaqsylyqqa jany qumar adamdardy biriktirý jáne uiymdastyrý, qoǵam men adamdardyń ómirin jaqsy jaqqa ózgertýge múmkindik beretin, jomarttyq pen jaqsylyq ideiasyna negizdelgen qoǵam qurý.
