Foto: primeminister.kz
Pavlodar oblysy ákiminiń orynbasary Serik Batyrǵojinov jol apatynan zardap shekti, - dep habarlaidy Tengrinews.kz saity.
Kerek.pv telegram-arnasynyń málimetinshe, Batyrǵojinov qutqarýshylar apatynyń sebepterin anyqtaý jónindegi komissiia quramynda Maiqaiyńnan Pavlodarǵa qaityp kele jatqan. Batyrǵojinov mingen kólik jol jiegine shyǵyp ketken. Júrgizýshi zardap shekpegen, biraq ákimniń orynbasary jaraqat alǵan, meditsinalyq kómekke júgingen.
Apat týraly aqparatty Pavlodar oblysynyń ákimdigi rastady. Oqiǵa 8 qańtarda keshke Maiqaiyń aýylynan Pavlodarǵa baratyn jolda bolǵan.
"Oblys ákiminiń orynbasary Serik Batyrǵojinov shynynda jol apatyna ushyrady. Basqa kólikter bolmaǵan jáne zardap shekken joq. Orynbasardyń kóligi jol jiegine shyǵyp ketken, Serik Batyrǵojinovtyń ózi jeńil jaraqat alǵan, jaǵdaiy turaqty", - delingen habarlamada.
