Pavlodar oblysy ákiminiń birinshi orynbasary taǵaiyndaldy, dep habarlaidy "Ult aqparat".
Pavlodar oblysy ákiminiń birinshi orynbasary qyzmetine Esimhanov Suńǵat Qýatuly taǵaiyndaldy.
Buǵan deiin ol Qazaqstan Respýblikasynyń energetika vitse-ministri bolyp, laýazymynan bosatylǵan edi.
Suńǵat Esimhanov 1973 jyly 30 qarashada Pavlodar oblysynda dúniege kelgen. 1996 jyly Pavlodar indýstrialdy institýtyn, 2007 jyly Qaraǵandynyń «Bolashaq» ózekti bilim berý institýtyn támamdaǵan.
Eńbek jolyn 1996 jyly «Aliýminii Qazaqstan» AQ-nyń gidrometallýrgiialyq tsehynda injener bolyp bastaǵan.
2001-2007 jyldary Astana, Aqtaý, Qaraǵandy qalalary boiynsha QR Tabiǵi monopoliialardy retteý, básekelestikti qorǵaý jáne shaǵyn biznesti qoldaý agenttiginiń qurylymynda maman, bólim basshysy, departament direktory qyzmetterin atqarǵan.
2008-2010 jyldary Pavlodar oblysynyń energetika jáne kommýnaldyq sharýashylyq basqarmasyn basqardy.
2010-2013 jyldary — «Qazaqenergosaraptaý» AQ prezidenti boldy.
2013-2014 jyldary — QR Indýstriia jáne jańa tehnologiialar ministrliginiń elektr energetikasy jáne kómir ónerkásibi departamentiniń direktory bolyp jumys istedi.
2014-2018 jyldary — QR Energetika ministrliginiń Atomdyq jáne energetikalyq qadaǵalaý men baqylaý komitetiniń tóraǵasy qyzmetin atqardy.
2018 jylǵy qarashadan bastap osy taǵaiyndaýǵa deiin QR energetika vitse-ministri qyzmetin atqardy.
