Pavlodar oblysyndaǵy 12 mektepke qazaqtyń belgili tarihi tulǵalarynyń esimi berilýi múmkin, dep habarlaidy QazAqparat.
«Pavlodar qalasyndaǵy №20 mektep-litseiine - Álihan Bókeihannyń, №34 innovatsiialyq mektebine - Ahmet Baitursynulynyń, №1 mektebine - Malaisary batyrdyń, №23 mektebine – Rafika Nurtazinanyń, №16 mektep-litseiine - Amanjol Shámkenovtiń, №9 gimnaziia-mektebine - Shapyq Shókinniń, №28 mektepke - Sultanmahmut Toraiǵyrovtyń, №19 mektepke - Máshhúr Júsiptiń, №37 mektepke - Jumabek Táshenovtyń esimi berilsin. Sondai-aq, Aqsý qalasyndaǵy №1 qazaq orta mektebi - Ybyrai Altynsarinniń, №2 mektebi – Abaidyń, Aqsý qalasyndaǵy daryndy balalarǵa arnalǵan gimnaziia Qanysh Sátbaevtyń esimimen atalsyn», - delingen Úkimet qaýlysynda .
