«Bolashaq» Qaýymdastyǵy Pavlodar qalasynda «Jastar uiymdarynyń netvorkingi jáne tájiribe almasýy» jobasynyń kezekti jiynyn ótkizdi.
Eki kúnge jalǵasqan netvorkingke 18-29 jas aralyǵyndaǵy 200-den astam jas qatysty. Sharaǵa qatysýshy jastar arnaiy shaqyrylǵan spikerlermen tájiribe almasyp, oi bólisti.
«Jastar úkimettik emes uiymdarnyń turaqty damýy men tiimdiligin arttyrý» atty master-klass kezinde Pavlodar memlekettik ýniversitetiniń rektory Meiram Begentaev JOO men ÚEU arasyndaǵy bailanysty arttyrý jáne turaqty damý modeli týraly aityp berdi.
Belsendi jastar ózderin qyzyqtyrǵan taqyryp tóńireginde saýaldar qoiyp, usynys-pikirlerin ortaǵa saldy.
«Búgingi netvorking barshamyzǵa paidaly bolady degen senimdemin. Sebebi, shara aiasynda jańa ideialar, jańa oilar týyndap, tyń jobalar bastaý alary anyq. Soltústiktiń jastary – intellektýaldy áleýeti joǵary jastardyń biri. Olar belsendiligimen qatar, naqty jumystarymen kózge túsip júr. Sondyqtan osy is-shara aiasynda nátijeli jumystar bolady dep úmittenemin. Osyndai múmkindikter usynyp jatqan «Bolashaq» Qaýymdastyǵyna rizashylyǵymdy bildirgim keledi», - deidi Soltústik Qazaqstan oblysy ákim apparatynyń «Qoǵamdyq kelisim» KMM basshysy orynbasary Bogdan Petrov.
Aita ketsek, «Bolashaq» Qaýymdastyǵy atalǵan jobany QR Aqparat jáne qoǵamdyq damý ministrligi men Pavlodar oblysy ákimdiginiń qoldaýymen, «Azamattyq bastamalardy qoldaý ortalyǵy» KEAQ-nyń memlekettik granty sheńberinde uiymdastyryp otyr.
«Jastar uiymdarynyń netvorkingi jáne tájiribe almasýy» jobasy nátijesi boiynsha ÚEU men JRO-nyń eń úzdik qazaqstandyq tájiribesi negizinde arnaiy jinaq jaryq kóredi.
