2019 jyly Pavlodar oblysy men Pavlodar qalasy ákimderiniń atyna kelip túsken jeke jáne zańdy tulǵalardyń ótinishteri negizinde Pavlodar qalasy mádeniet jáne tilderdi damytý bólimi men Pavlodar qalalyq máslihaty birlesip qoǵamdyq tyńdaý ótkizdi, – dep jazady Baq.kz.
Jiyn Qazaqstan Respýblikasynyń "Qazaqstan Respýblikasynyń ákimshilik-aýmaqtyq qurylysy týraly" jáne "Qazaqstan Respýblikasyndaǵy jergilikti memlekettik basqarý týraly" zańdaryna, sondai-aq Qazaqstan Respýblikasy Úkimetiniń 2014 jylǵy 25 aqpandaǵy qaýlysymen bekitilgen "Ákimshilik-aýmaqtyq birlikterge, eldi mekenderdiń quramdas bólikterine ataý berý, olardy qaita ataý, sondai-aq olardyń ataýlarynyń transkriptsiiasyn naqtylaý men ózgertý kezinde tiisti aýmaq halqynyń pikirin eskerý" erejesine sáikes ótti. Jiynnyń kúntártibinde Pavlodar qalasynyń 13 kóshesiniń ataýyn qaita ataý máselesi qaraldy.
Kópshilik tyńdaýǵa qala turǵyndarynan qatysqysy kelgen adamnyń bári keldi.
Pavlodar qalalyq máslihatynyń "Azamattardyń quqyqtary men zańdylyqtaryn saqtaý jónindegi" jáne "Qala qurylysy men ekologiia jónindegi" turaqty komissiialarynyń músheleri (máslihat depýtattary) kópshilik tyńdaýǵa qatysqan azamattardyń pikirlerin eskere otyryp daýys berý arqyly sheshim qabyldady.
Qazaqstan Respýblikasy prezidentiniń ideologiialyq turǵydan eskirgen, qaitalanatyn ataýlardy tarihi jer-sý ataýlaryn ulttyq tanymǵa jaqyn dástúrli ataýlarmen ózgertýdi qarastyrdy. Sonyń nátijesinde eldi mekenderge jáne obektilerge ataý berý kezinde tarihi tulǵalar men Qazaqstannyń bergi tarihynda jalpy ulttyq deńgeide tanylǵan tulǵalardyń esimderin berý basty nazarǵa alyndy.
Jiyn qorytyndysynda Pavlodar qalasynyń 13 kóshesiniń ataýyn qaita ataýǵa usynys jasaldy:
Olar:
1. Dimitrov kóshesin – Júsipbek Aimaýytov (1889-1931) - klassik jazýshy, memleket qairatkeri. 2019 jyly týǵanyna 130 jyl toldy;
2. 1 mai kóshesin – Máshhúr Júsip (1858-1391) - Áýlie, qazaq mádenieti men ádebietiniń belgili tulǵasy;
3. Karl Marks kóshesin – Álihan Bókeihan - Alashorda Úkimetiniń tóraǵasy. Qoǵam jáne memleket qairatkeri;
4. Kirov kóshesin – Ermahan Bekmahanuly (1915-1966) - tarihshy ǵalym, akademik;
5. Korolenko kóshesin – Buqar Jyraý (1668-1781) - Qazaqtyń uly jyraýy. Abylai hannyń aqylshysy;
6. J.Aimaýytov kóshesin – Aqjol;
7. Volodarskii kóshesin – Jeltoqsan - 1986 jyly Almatyda bolǵan kóterilis;
8. Krýpskaia kóshesin – Edige bi (HÚII-HÚIII ǵ.ǵ.) - Qazaqtyń asa kórnekti bii. "Jeti jarǵy" alǵashqy qazaq zańdary jinaǵynyń avtorlarynyń biri;
9. Bolshaia Obezdnaia kóshesin – Jibek joly - Jibek Joly – erte zamandaǵy kerýendik saýda jol;
10. M.J. Kópeev kóshesin – Aqbettaý – Baian taýlaryndaǵy eń biik shyń ataýy;
11. Chkalov kóshesin – Saǵadat Nurmaǵambetov - armiia generaly, Keńes Odaǵynyń batyry, Halyq qaharmany, QR alǵashqy Qorǵanys ministri;
12. Pahomov kóshesin – Qabdesh Nurkin - Soǵys jáne eńbek ardageri;
13. Bestýjev kóshesin – Shákárim Qudaiberdiuly - aqyn, jazýshy, filosof.
