Pavlodar–Astana tasjolynda jol apaty bolyp, bir bala qaza tapty. Taǵy úsh bala men eki eresek adam jaraqat aldy, dep habarlaidy ult.kz.
Jol-kólik oqiǵasy Qalqaman aýylynyń mańynda bolǵan. Oqiǵa ornyna birneshe jedel járdem brigadasy men Apattar meditsinasy ortalyǵynyń mamandary barǵan. Dárigerler bir qyzdy jedel járdem kóliginiń ishinde qutqarýǵa tyrysqanymen, alǵan jaraqaty tym aýyr bolǵan. Reanimatsiialyq sharalar nátije bermei, bala kóz jumdy.
2017 jáne 2015 jyly týǵan eki ul oblystyq balalar aýrýhanasyna jetkizildi. 2010 jyly týǵan qyz tekserýden keiin ambýlatoriialyq em qabyldaýǵa jiberilgen.
Al er adam men áiel Pavlodar qalasyndaǵy aýrýhanaǵa jatqyzyldy.
Qazir politsiia jol apatynyń sebepteri men mán-jaiyn anyqtap jatyr.
