Foto:instagram.com/yelaraa
Elara Nigomet esimdi 20 jastaǵy stýdent "Pavlodar arýy - 2022" atandy, - dep habarlaidy Tengrinews.kz agenttigi.
Ol - Ekibastuz týmasy. Qazir QazUÓÝ-diń 4-kýrsynda "teatr, kino jáne TV kiimi sýretshisi" mamandyǵy boiynsha bilim alyp, túsirilim alańynda jumys isteidi. Onyń aitýynsha, bul - ártúrli jobalar, negizinen qysqametrajdy filmder men áleýmettik rolikter.
Onyń súiikti isteriniń biri - bi bileý. Qyz 11 jyldan asa ýaqyt boiy bimen ainalysady.
"Pavlodar arýy" baiqaýyna qatysýyma maqsatym itermeledi, atap aitqanda atam qoiǵan esimdi aqtaý. Ol "halyq maqtanyshy" degendi bildiredi. Sondai-aq, "Qazaqstan arýyna" jetýge degen qulshynys boldy. Men sýretshi retinde emotsiia, shabyt alǵym keldi jáne árine, barlyq qatysýshylar siiaqty, jeńiske jetkim keledi. Marapattaý rásimi kezinde eshqandai qobaljý bolǵan joq. Biraq jeńimpazdy jariialaǵannan keiin meni ártúrli emotsiia men oi baýrap aldy. Qýanysh jáne basqa qatysýshylar úshin ókinish. Jarysqa daiyndyq kezinde qyzdarmen óte jaqsy dos bolyp kettik, bárine jeńis tiledim", - dedi boijetken.
Ol alda kóp jumys kútip turǵanyn aitty.
"Men "Qazaqstan arýy - 2022" baiqaýyna qarqyndy daiyndalamyn. Talanttar shoýyna qatysýǵa shyn nietim bar. Sondai-aq, ýniversitette diplomdyq jumysymdy tapsyrýym kerek. Men bárin biriktirip, ýaqytynda aiaqtaýǵa tyrysamyn. Eshkimniń kóńilin qaldyrǵym kelmeidi, óitkeni meni kóp adam qoldap, ýaiymdaidy. Osyǵan alǵysym sheksiz", - dedi "Pavlodar arýy - 2022".
Aita keteiik, 60 úmitkerdiń 10-y baiqaýdyń finalyna shyqqan.
