Pavlodar qalasynda 134 otbasyǵa kómek retinde kómir jetkizilýde, dep habarlaidy pavlodarnews.kz.
Qalalyq kásipkerlik jáne aýyl sharýashylyǵy bóliminiń sektor jetekshisi Ádil Isin ár otbasyǵa 2 tonna kómir jetkiziletinin atap ótti.
«Qazirgi ýaqytta qalalyq ákimdik az qamtylǵan, qiyn jaǵdaiǵa tap bolǵan jáne áleýmettik álsiz sanattaǵy otbasylarǵa kómek kórsetýde. Bizdiń tizimdegi 134 otbasyǵa 2 tonna kóleminde kómir beriledi», - dedi ol.
Otbasylar qalalyq ákimdikke, jumyspen qamtý jáne áleýmettik baǵdarlamalar bólimine kelip júgingen. Sondai-aq ákimniń, orynbasarlarynyń qabyldaýyna kelip, ótinish bildirgen. Túsken ótinishterdiń qorytyndysy boiynsha tizim jasalady. Bul – jyl saiyn ótkiziletin shara.
Ádil Isinniń aitýynsha, kómir demeýshilerdiń qarajatyna alynǵan. «Avest» JShS óz esebinen kómirdi ár otbasyǵa jetkizýde. Búgin kómir alǵandardyń qatarynda jumyssyz retinde tirkelgen Sábira Baiazit ta bar.
«Maýsym aiynan bastap jer úidi jalǵa alyp turyp jatyrmyz. Otbasymyzda jubaiym men 2 balam bar. Ataýly áleýmettik kómek alyp turamyz. Kómir beriletinin estip, Krivenko 25 mekenjaiyna baryp, ótinish bildirdim. Ózderi habarlasyp, ákelip berip jatyr»,- dedi Sábira Baiazit.
Aita keteiik, Pavlodar qalasynda az qamtylǵan, qiyn jaǵdaiǵa tap bolǵan jáne áleýmettik álsiz sanattaǵy otbasylarda 41 myńnan astam adam bar.
