Qazirgi tańda Mońǵoliianyń Ulan-Bator qalasynda barlyq jas erekshelikteri boiynsha zil temir kóterýden kezekti Aziia chempionaty ótýde. Táýelsiz Qazaqstannyń namysyn joǵary deńgeide qorǵap jatqan Túrkistan oblysynyń №2-shi oblystyq olimpiadalyq sport mektebiniń talantty sportshylary ǵalamat jetistikterge jetýde. Bul týraly Túrkistan oblysy ákimdiginiń baspasóz qyzmeti habarlady.
Maqsattary aiqyn túrkistandyq sportshylar – 53 kelidegi Alisher Zaitov pen 52 kelide óner kórsetken Alena Gladkova jeńis shyńyn baǵyndyryp, altyn medal ielendi. Sonymen qatar túrkistandyqtardyń arasynda Sarvinoz Nasiridionnova da jeńimpaz atandy. Ulttyq qurama qorjynyna budan basqa altyn medal salǵan Alena Gladkova da bar.
Taǵy bir qýanyshty jańalyq, Túrkistan oblysynyń talantty sportshy qyzy Barno Djýmabaeva keremet oiyn kórsetip, Aziia chempionatynyń jeńimpazy atandy. Sondai-aq ol Álem men Aziia chempionatynyń rekordyn jańartty. Barno Djýmabaeva bul jarys jolynda qarsylastaryn basyp ozyp, 500 gramm salmaq arttyrdy.
Sary qurlyq elderiniń eń talantty degen sportshylary qatysqan bul Aziia chempiontynda 84 keli salmaqta óner kórsetip jatqan Irada Abdyrova men +84 kelidegi túrkistandyq sportshy Sarvinoz Nasiriddinova da tamasha jeńistiń úlgisin kórsetti. Bul jeńimpazdar – bilikti basshy ári jastardyń janashyry Nurlan Aitmýrzaev jetekshilik etetin oblystyq №2-shi oblystyq olimpiadalyq sport mektebiniń shákirtteri.
«Jekpe-jek sport túrlerinen de jerlesterimiz senimdi aqtady. Akbar Elýbaiuly djiý-djitsýdyń eki túrinen Aziia chempiony atandy», delingen baspasóz habarlamasynda.
Aita ketsek, Ózbekstan memleketiniń Buqara qalasynda 8-11 qyrkúiek aiynda djiý-djitsýdan Aziia chempionaty ótti. Aitýly dodaǵa qatysqan sozaqtyq Akbar Elýbaiuly qarsylastarynan basym túsip, tuǵyr biiginen kórindi. Sondai-aq Akbar Elýbaiuly qazan aiynda «Naiza fighting championship» kásipqoi promýshininde óner kórsetedi.
