قازٸرگٸ تاڭدا موڭعولييانىڭ ۇلان-باتور قالاسىندا بارلىق جاس ەرەكشەلٸكتەرٸ بويىنشا زٸل تەمٸر كٶتەرۋدەن كەزەكتٸ ازييا چەمپيوناتى ٶتۋدە. تەۋەلسٸز قازاقستاننىڭ نامىسىن جوعارى دەڭگەيدە قورعاپ جاتقان تٷركٸستان وبلىسىنىڭ №2-شٸ وبلىستىق وليمپيادالىق سپورت مەكتەبٸنٸڭ تالانتتى سپورتشىلارى عالامات جەتٸستٸكتەرگە جەتۋدە. بۇل تۋرالى تٷركٸستان وبلىسى ەكٸمدٸگٸنٸڭ باسپاسٶز قىزمەتٸ حابارلادى.
ماقساتتارى ايقىن تٷركٸستاندىق سپورتشىلار – 53 كەلٸدەگٸ اليشەر زايتوۆ پەن 52 كەلٸدە ٶنەر كٶرسەتكەن الەنا گلادكوۆا جەڭٸس شىڭىن باعىندىرىپ, التىن مەدال يەلەندٸ. سونىمەن قاتار تٷركٸستاندىقتاردىڭ اراسىندا سارۆينوز ناسيريديوننوۆا دا جەڭٸمپاز اتاندى. ۇلتتىق قۇراما قورجىنىنا بۇدان باسقا التىن مەدال سالعان الەنا گلادكوۆا دا بار.
تاعى بٸر قۋانىشتى جاڭالىق, تٷركٸستان وبلىسىنىڭ تالانتتى سپورتشى قىزى بارنو دجۋماباەۆا كەرەمەت ويىن كٶرسەتٸپ, ازييا چەمپيوناتىنىڭ جەڭٸمپازى اتاندى. سونداي-اق ول ەلەم مەن ازييا چەمپيوناتىنىڭ رەكوردىن جاڭارتتى. بارنو دجۋماباەۆا بۇل جارىس جولىندا قارسىلاستارىن باسىپ وزىپ, 500 گرامم سالماق ارتتىردى.
سارى قۇرلىق ەلدەرٸنٸڭ ەڭ تالانتتى دەگەن سپورتشىلارى قاتىسقان بۇل ازييا چەمپيونتىندا 84 كەلٸ سالماقتا ٶنەر كٶرسەتٸپ جاتقان يرادا ابدىروۆا مەن +84 كەلٸدەگٸ تٷركٸستاندىق سپورتشى سارۆينوز ناسيريددينوۆا دا تاماشا جەڭٸستٸڭ ٷلگٸسٸن كٶرسەتتٸ. بۇل جەڭٸمپازدار – بٸلٸكتٸ باسشى ەرٸ جاستاردىڭ جاناشىرى نۇرلان ايتمۋرزاەۆ جەتەكشٸلٸك ەتەتٸن وبلىستىق №2-شٸ وبلىستىق وليمپيادالىق سپورت مەكتەبٸنٸڭ شەكٸرتتەرٸ.
«جەكپە-جەك سپورت تٷرلەرٸنەن دە جەرلەستەرٸمٸز سەنٸمدٸ اقتادى. اكبار ەلۋبايۇلى دجيۋ-دجيتسۋدىڭ ەكٸ تٷرٸنەن ازييا چەمپيونى اتاندى», دەلٸنگەن باسپاسٶز حابارلاماسىندا.
ايتا كەتسەك, ٶزبەكستان مەملەكەتٸنٸڭ بۇقارا قالاسىندا 8-11 قىركٷيەك ايىندا دجيۋ-دجيتسۋدان ازييا چەمپيوناتى ٶتتٸ. ايتۋلى دوداعا قاتىسقان سوزاقتىق اكبار ەلۋبايۇلى قارسىلاستارىنان باسىم تٷسٸپ, تۇعىر بيٸگٸنەن كٶرٸندٸ. سونداي-اق اكبار ەلۋبايۇلى قازان ايىندا «Naiza fighting championship» كەسٸپقوي پرومۋشٸنٸندە ٶنەر كٶرسەتەدٸ.
