Shotlandiia patshaiymy Mariia Stiýarttyń duǵa kitapshasy Christie’s bássaýdasyna shyǵarylady. Ol £350,000 ($432,000) deiingi baǵada satylatyny shamalanyp otyr. Kezinde Mariianyń duǵa oqyǵan kitapshasynyń paraqtarynda Shotlandiia patshaiymynyń túrli kezeńde qaldyrǵan jazbalary saqtaldy, dep habarlaidy "Ult aqparat" CNN-ge silteme jasap.
Mariia Stiýarttyń esimi óziniń romantikalyq ómirimen, saiasi qaishy turýymen jáne bóle ápkesi, patshaiym Elizaveta I-niń «qolynan» qaza bolýymen este qalǵan.
Christie's, bássaýda úiiniń saýdaǵa shyǵaratyn qoljazbasy bastapqyda Fontevro abbattyǵy monastyriniń bastyǵy Lýiza de-Býrbon-Vandom úshin jasalǵan. 1558-1561 jyldar aralyǵynda Lýiza ony óziniń jienshary Mariiaǵa tapsyrǵan.
Kitaptyń bastapqy betinde Lýizanyń monogrammasy men epigrafy qaldy. Kitapta, sondai-aq, Mariia qaldyrǵan jazba men «VA TU MERITERAS» anagrammasy bar.
Qoljazba sheber Fransýa de Rogan esimimen belgili sýretshiniń 40 miniatiýrasymen bezendirilgen. Bássaýdashylardyń aitýynsha, de Rogan patsha Frantsisk I-niń ainalasyndaǵy suranysqa ie sýretshilerdiń biri boldy.
Mariia Stiýart - Shotlandiia patshasy Iakov V men Frantsiia hanshaiymy Mariia de Gizdiń qyzy. Mariianyń ákesi qaitys bolyp, dúniege kelýiniń altynshy kúninen bastap Shotlandiia patshaiymy atandy.
15 jasynda ol Frantsiia taǵynyń murageri Frantsiskke turmysqa shyqty. Bir jyldan keiin, 1559 jyly Frantsisk taqqa otyrdy.
Aǵylshyn patshaiymy Elizaveta I-niń buiryǵymen Mariia Stiýart 18 jyl boiy Angliiada qamaýda boldy. Elizavetanyń oilaýynsha, Mariianyń katoliktik dini seniminiń kesirinen aǵylshyn taǵyna qaýip tóndirgen. Mariia Stiýart patshaiym Elizaveta I-ni óltirý maqsatymen qastandyq jasaýda aiypty dep tanylyp, 1587 jyly basy kesip alynǵan.
Christie’s aitýynsha, patshaiym duǵalyq kitapshasyn Shotlandiiaǵa 1561 jyly ákelýi múmkin.
Bássaýda úiiniń kitapshany saýdaǵa 29 shildede Londonda shyǵaratyny habarlanyp otyr.
