Armeniia premer-ministri Nikol Pashinian pandemiia kezinde emdeý mekemeleri tolyp ketkendikten koronavirýs juqqan shamamen 200 naýqas aýrýhanalarda oryn bosaýyn kútip otyr dep málimdedi.
"Qanshalyqty ashy bolsa da bárińizge koronavirýs jaǵdaiyna bailanysty shyndyqty aitýǵa mindettimin. Qazir respýblikada koronavirýs juqqan shamamen 200 naýqas aýrýhananyń bosaýyn kútip otyr" dedi ol 6 maýsym kúngi brifing kezinde.
Pashiniannyń aitýynsha, aýrýhananyń bosaýyn kútken SOVID-19 diagnozy qoiylǵan bir patsient úide qaitys bolǵan. Intensivti terapiiaǵa zárý bolǵan eki naýqas reanimatsiia bólimine jete almai, kóz jumǵan.
Buǵan deiin premer-ministrdiń ózine koronavirýs juqqany habarlanǵan edi. Ol densaýlyq saqtaý júiesiniń jaǵdaiy kúrdeli ekenin aityp, "Tozaqty ótkerip jatyrmyz" dedi.
6 maýsymda densaýlyq saqtaý ministrligi elde bir kúnde 547 adamnan koronavirýs tabylǵanyn habarlady. Shamamen 3 mln halqy bar Armeniiada 12 364 adamǵa koronavirýs juqqan.
Bilik bir kúnde 7 adamnyń COVID-19-dan qaitys bolǵanyn málimdedi. Barlyǵy 190 adam kóz jumǵan.
Armeniiada sáýir aiynyń ortasynda karantin sharalary jumsarǵannan keiin naýqastar sany kóbeigen.
