Búgin QR Ortalyq sailaý komissiiasynyń otyrysynda 2021 jylǵy 10 qańtarǵa taǵaiyndalǵan Qazaqstan Respýblikasy Parlamenti Májilisi depýtattarynyń kezekti sailaýynda sailaý aldyndaǵy televiziialyq pikirsaiystardy uiymdastyrý jáne ótkizý máselesi qaraldy, dep habarlaidy "Ult aqparat".
Otyrys barysynda osy taqyryp boiynsha Ortsailaýkom múshesi Anastasiia Shegortsova baiandama jasady.
Ol sailaý zańnamasyna sáikes, sailaý aldyndaǵy úgit-nasihatty júzege asyrýdyń bir tásili - sailaý aldyndaǵy jariia pikirsaiystar ótkizý ekenin habarlady.
Májilis depýtattyǵyna kandidattardyń partiialyq tizimderin usynǵan saiasi partiialar televiziiadaǵy Ortsailaýkom uiymdastyratyn sailaý aldyndaǵy pikirsaiystarǵa qatysýǵa quqyly. Sailaý aldyndaǵy pikirsaiystardy ótkizý qaǵidalary men sharttary QR Ortalyq sailaý komissiiasynyń 2018 jylǵy 28 tamyzdaǵy qaýlysymen bekitilgen. Sailaý aldyndaǵy pikirsaiystardy ótkizý qaǵidalary men sharttarynyń 4-tarmaǵyna sáikes, Ortsailaýkom pikirsaiystardy ótkizý týraly sheshim qabyldanǵan kezden bastap kúntizbelik bes kún ishinde telearnany aiqyndaidy jáne olardy partiialyq tizimderin usynǵan saiasi partiialardyń pikirsaiystaryn ótkizý kúni, ýaqyty men orny týraly jazbasha habardar etedi.
Biyldyń 10 jeltoqsanynda Ortalyq sailaý komissiiasy pikirtalasty 2020 jyldyń 30 jeltoqsanynda ótkizý týraly qaýly qabyldady.
A. Shegortsovanyń aitýynsha, telearnany anyqtaý týraly OSK-nyń jazbasha saýalyna Aqparat jáne qoǵamdyq damý ministrligi «Habar» telearnasynyń efirinde televiziialyq sailaýaldy pikirsaiystaryn ótkizýdi usyndy.
«Habar» telearnasy saiasi partiialardyń sailaý aldyndaǵy pikirsaiystaryn ótkizý reglamentin ázirlep, kelisý úshin OSK-ǵa jiberdi. Reglament jobasynda debattardy ótkizý tártibi kózdelgen. Atap aitqanda, qatysýshylarǵa qoiylatyn jalpy talaptar, sóz sóileý kezektiligi, ótkizý tili men uzaqtyǵy. Reglament jobasy «Sailaý týraly» Konstitýtsiialyq zańnyń talaptaryna, sondai-aq sailaý aldyndaǵy pikirsaiystardy ótkizý qaǵidalary men sharttaryna sáikes keledi», - dedi Anastasiia Shegortsova.
Osyǵan bailanysty, Ortalyq sailaý komissiiasynyń «Habar» agenttiginde televiziialyq pikirsaiystar ótkizý týraly qaýlysy qabyldandy, pikirsaiystar ótkizý reglamenti kelisildi, sondai-aq kandidatýralary saiasi partiialarmen aiqyndalǵan televiziialyq pikirsaiystarǵa qatysýshylardyń kelesi quramy bekitildi:
1) «ADAL» saiasi partiiasynan – partiianyń saiasi keńesiniń múshesi Eldar Jumaǵaziev;
2) «Aq jol» Qazaqstannyń demokratiialyq partiiasynan - partiia tóraǵasy Azat Perýashev;
3) «Aýyl» halyqtyq - demokratiialyq patriottyq partiiasynan - partiia tóraǵasy Áli Bektaev;
4) Qazaqstan Halyq partiiasynan - partiia tóraǵasy Aiqyn Qońyrov;
5) «Nur Otan» partiiasynan - partiia tóraǵasynyń birinshi orynbasary Baýyrjan Baibek.
