Aqparat jáne qoǵamdyq damý vitse-ministri Kemelbek Oishybaev saiasi partiialardyń úgit-nasihat jumysy qalai júrgiziletinin túsindirdi, dep habarlaidy QazAqparat.
«Eger buqaralyq aqparat quraldarynyń qyzmetkerleri belgili bir partiiaǵa úmitker retinde tirkelse, ol azamat úgit-nasihat kezeńi barysynda jýrnalistik qyzmetin júrgize almaidy», - dedi Ortalyq sailaý komissiiasynyń otyrysynda Kemelbek Oishybaev.
Vitse-ministr sonymen qatar buqaralyq aqparat quraldary kelisim negizinde efir ýaqytyn nemese baspa alańyn tirkelgen partiialarǵa úgit úshin bóle alatynyn jetkizdi.
«Kelisimniń sharttary qandai da bir partiialarǵa basymdyq bermeýi tiis. Tólem mólsheri men basqa da málimetter sailaýǵa 5 kún buryn, iaǵni 4 jeltoqsanǵa deiin BAQ quraldarynda, Ortalyq sailaý komissiiasy men óńirlerdegi bólimsheleriniń saittarynda jariialanýy kerek. BAQ-qa jariialanǵan úgit aqparatynda mindetti túrde sailaý qorynan bul baǵytta qansha aqsha bólingeni birge jariialanýy tiis. Bul máselege erekshe nazar aýdarylýy kerek», - dedi ol.
