Jýyrda Taldyqorǵanda «Nur Otan» partiiasynyń qurylǵanyna 21 jyl tolýyna orai partiianyń Almaty oblystyq filialynda saltanatty jiyn ótti.
Partiialyqtardy mereili kúnmen quttyqtaǵan partiianyń oblystyq filialynyń tóraǵasy, oblys ákimi Amandyq Batalov óziniń 21 jyldyq tarihynda «Nur Otan» óziniń jumysyn el birligi men turaqtylyǵyn nyǵaitýǵa baǵyttaǵan senimdi ári tiimdi saiasi tirek retinde qalyptastyrǵanyn atap ótti:
- Táýelsizdik jyldarynda Elbasynyń syndarly saiasatynyń arqasynda bizdiń qoǵamda barlyq qazaqstandyqtardy biriktiretin basty qundylyqtar qalyptasyp, eldiń jarqyn bolashaǵy úshin senimdi irgetas qalandy. Olar «Máńgilik el» jalpyhalyqtyq ideiasynyń negizi boldy jáne «Nur Otan» partiiasynyń jańa saiasi doktrinasynda ózin bekite tústi. Bul sara joldy qazir el Prezidenti Qasym-Jomart Toqaev jalǵastyryp keledi. Búgingi kúni nurotandyqtardyń basty mindeti – ekonomkanyń jańǵyrtý protsesiniń, qoǵam ómiriniń barlyq taraptarynyń basynda bola otyryp, halqymyzdyń birligin nyǵaitý. Partiia kúniniń qarsańynda partiialastarǵa partiiany qalyptastyrý, onyń jumysyn el igiligine baǵyttaý jolynda qosqan úlesteri úshin alǵys aitamyn, - dedi A. Batalov.
Óńirdiń áleýmettik-ekonomikalyq damýyna jáne partiialyq jobalardyń júzege asyrylýyna qosqan úlesi úshin Amandyq Batalov oblystyq partiia uiymynyń 20 múshesine filial tóraǵasynyń alǵys hattaryn tapsyrdy.
Partiia kúni sheńberinde oblystyq filial músheleriniń qatary taǵy 10 azamatpen tolyqty. Partiialyq biletter saltanatty jaǵdaida tabystaldy.
Búgingi kúni «Nur Otan» pariiasynyń qatarynda 104 myńnan astam jetisýlyq bar. Óńirde 333 bastaýysh partiialyq uiym jumys isteidi. Tek ótken jyldyń ózinde partiia qatary 7 myń múshemen tolyqqan.
Eske salsaq, partiianyń negizi qalanǵan kúni 1 naýryz bolyp esepteledi.
Almaty oblysy ákiminiń baspasóz qyzmeti
