Búgin Májilistiń jalpy otyrysynda palata depýtattary «Qazaqstan Respýblikasynyń keibir zańnamalyq aktilerine kórneki aqparat jáne dini qyzmet máseleleri boiynsha ózgerister men tolyqtyrýlar engizý týraly» zań jobasyna Senat engizgen ózgeristermen kelisti, dep habarlaidy QazAqparat.
Zań jobasynyń maqsaty – syrtqy jarnamalar men ártúrli mańdaishalardaǵy, basqa da rekvizistter men kórneki aqparattardyń memlekettik tilde durys jazylýy jáne mátinderdiń túpnusqaly aýdarmasy boiynsha qosymsha talaptardy belgileý. Budan basqa, din salasyndaǵy zańnamany jetildirýdi kózdeitin normalar engizildi.
«Atalǵan zań jobasyn Parlament Májilisi 2021 jylǵy 6 qazanda maquldady jáne ol Parlament Senatyna qabyldanǵan 54 pozitsiiamen jiberildi.
Senat «Dini qyzmet jáne dini birlestikter týraly» zańyna ar-ojdan bostandyǵy quqyǵyn júzege asyrý, dini is-sharalardy ǵibadat úilerinen (ǵimarattardan) tys jerlerde ótkizý úshin engiziletin habarlama tártibin rásimdeý ári naqtylaý bóliginde túzetýler engizdi.
Májilistiń Áleýmettik-mádeni damý komiteti «Qazaqstan Respýblikasynyń keibir zańnamalyq aktilerine kórneki aqparat jáne dini qyzmet máseleleri boiynsha ózgerister men tolyqtyrýlar engizý týraly» zań jobasyna Senat engizgen ózgeristermen kelisýdi usynady», - dedi Májilis depýtat Jámilá Nurmanbetova.
Qujatty qaraý kezinde palata depýtattary bul usynysqa qoldaý bildirdi.
