QR Úkimeti 2022 jyly 31 zań jobasyn ázirleidi. Bul týraly QR Ádilet ministri Marat Beketaev aitty, dep habarlaidy QazAqparat.
«2022 jylǵa arnalǵan Úkimettiń zań jobalaý jumystary josparynyń jobasynda 31 zań jobasyn ázirleý kózdelgen. Onyń ishinde birinshi jartyjyldyqta Parlamentke – 11 zań jobasyn jáne ekinshi jartyjyldyqta 20 zań jobasyn engizý qajet. Jalpy, jospar jobasy Prezident pen memlekettiń strategiialyq qujattarynda aiqyndalǵan mindetter negizinde ázirlendi», - dedi ministr búgin Úkimet otyrysynda.
Máselen, onyń atap ótýinshe, «Qazaqstan Respýblikasynyń Áleýmettik kodeksi», «Kásibi biliktilikter týraly» jáne «Aglomeratsiialardy damytý týraly» zań jobalaryn ázirleý Memleket basshysynyń osy jylǵy 1 qyrkúiektegi Joldaýyn iske asyrý jónindegi Jalpyulttyq is-sharalar josparynan týyndaidy.
«Budan basqa, tutynýshylardyń quqyqtaryn qorǵaý, sáikestikti baǵalaý jáne jylý energetikasyna qatysty jańa zań jobalaryn ázirleý josparlanýda. «Quqyqtyq aktiler týraly» Zańǵa sáikes jospardyń jobasy Memleket basshysymen kelisýge jatady. Jospar jobasyn Prezident Ákimshiligine jiberý usynylady», - dedi Marat Beketaev.
