Parlament Májilisiniń jalpy otyrysynda palata depýtattary Salyq kodeksiniń jobasyna jáne oǵan ilespe eki zań jobasyna Senat engizgen tolyqtyrýlarmen kelisti, dep habarlaidy "Ult aqparat".
«Qarjy jáne biýdjet komiteti «Salyq jáne biýdjetke tólenetin basqa da mindetti tólemder týraly» QR Kodeksiniń jobasyna Parlament Senaty engizgen ózgertýler men tolyqtyrýlardy qarap shyqty. Atalǵan túzetýler ishinde farmatsevtikalyq kórsetiletin qyzmetterdi jáne dárilik zattar men meditsinalyq maqsattaǵy buiymdardy esepke alý men ótkizý jónindegi kórsetiletin qyzmetterdi QQS-tan bosatý qamtylǵan. Sonymen qatar arnaiy investitsiialyq kelisimsharttar aiasynda qosylǵan qun salyǵy boiynsha jeńildikter 2018 jyly barlyq aýyl sharýashylyǵy tehnikasyn óndirýshilerge, 2019 jyldan bastap ónerkásiptik qurastyrý týraly kelisim jasasqan óndirýshilerge qoldaný eskerilgen», - dedi Qarjy jáne biýdjet komitetiniń tóraiymy Gúljan Qaraqusova.
Osy oraida ol Senat engizgen ózgerister men tolyqtyrýlar Májilis maquldaǵan zań jobasynyń tujyrymdamasyn ózgertpeitinin atap ótti.
«Bul rette atalǵan Salyq kodeksi jobasyna Senat engizgen ózgerister men tolyqtyrýlarǵa kelisim bildirýdi usynamyz», - dedi depýtat.
Buǵan deiin QR Ulttyq ekonomika ministri Timýr Súleimenov Kodeks jobasynda ideologiiany ózgertý, yntalandyrý jáne ákimshilendirýdi jeńildetý kózdelgenin aitqan bolatyn.
«Ideologiia adal salyq tóleýshilerdi qorǵaýǵa baǵyttalady. Ekonomikanyń ár túrli salalary yntalandyrýǵa ie bolady. Ákimshilendirý jeńildetiledi jáne salyqty óz betinshe tóleýge yntalandyrady», - dedi ministr.
