Qazaqstannyń qylmystyq-atqarý júiesindegi 16 tergeý izoliatorynda tergeý-qamaýynda otyrǵan 5 myńnan astam adam búgin QR Parlamentiniń sailaýynda daýys berýge qatysady, dep habarlaidy "Ult aqparat".
«Qazaqstan Respýblikasyndaǵy sailaý týraly» Konstitýtsiialyq zańǵa sáikes tergeý izoliatorlarynda ustalatyn, úkimi zańdy kúshine enbegen elimiz azamattary jalpyǵa birdei sailaý quqyǵyna ie.
Osy rette, qazir tergeý-qamaýynda otyrǵan respýblikanyń qylmystyq-atqarý júiesiniń 16 tergeý izoliatorynda jabyq sailaý ýchaskeleri quryldy.
«Onda 5 myńnan astam adam Qazaqstan Respýblikasynyń kezekti Parlamenttik sailaýynda daýys berýge qatysyp jatyr.
Sailaý protsesi ótetin oryndarda tiisti baqylaý, kúzet jáne qadaǵalaý qamtamasyz etilgen.
Sailaý protsesine qatysýshylar barlyq qajetti sanitariialyq-epidemiiaǵa qarsy talaptardy saqtaýda.
Biylǵy 5 qańtardaǵy jaǵdai boiynsha «qyzyl» jáne «sary» aimaqtarda bolǵan óńirlerde sailaý komissiiasynyń barlyq músheleri, onyń ishinde baiqaýshylar aldyn ala PTR-ádisimen COVID-19-ǵa zerthanalyq tekserýden ótti.
Sonymen qatar, jabyq sailaý ýchaskelerine kirý tergeý izoliatorlarynyń qyzmetin reglamentteitin normativtik quqyqtyq aktilerge jáne «Qazaqstan Respýblikasyndaǵy sailaý týraly» Konstitýtsiialyq zańyna sáikes júrgizildi», - dedi QR IIM Qylmystyq-atqarý júiesi komitetinen.
Málim etilgendei, qazirgi ýaqytta respýblikanyń tergeý izoliatorlarynda 5 myńnan astam adam bar.
