Parlament Májilisi «2021 - 2023 jyldarǵa arnalǵan respýblikalyq biýdjet týraly» Qazaqstan Respýblikasynyń Zańyna ózgerister men tolyqtyrýlar engizý týraly» zań jobasy boiynsha talqylaýdy bastaidy, dep habarlaidy "Ult aqparat".
«Atalǵan zań jobasy 2021-2025 jyldarǵa arnalǵan makroekomikalyq kórsetkishter boljamynyń naqtylanýyna bailanysty ázirlengen. Sonymen qatar, Memleket basshysynyń 2020 jylǵy 1 qyrkúiektegi Qazaqstan halqyna Joldaýynda berilgen tapsyrmalary men «Nur Otan» partiiasynyń sailaýaldy baǵdarlamasy is-sharalarynyń iske asyrylýyn qamtamasyz etýge baǵyttalǵan. Qarjy jáne biýdjet komiteti osy zań jobasy boiynsha 2021 jylǵy 2 maýsymǵa deiin qorytyndy ázirleýge daiyn», - dedi Májilistiń Qarjy jáne biýdjet komitetiniń tóraǵasy, depýtat Marat Qusaiynov.
Aita keteiik, jaqynda QR Úkimeti eldi áleýmettik-ekonomikalyq damytýdyń naqtylanǵan boljamyn maquldady.
Úkimet Áleýmettik-ekonomikalyq damytýdyń 2021 jylǵa arnalǵan boljamynyń kórsetkishteri men indikatorlaryn qaita qarady. Mysaly, 2021 jyly jalpy ishki ónimniń naqty ósýi – 3,1 paiyz deńgeiinde, munai baǵasy – bir barrel úshin 50 dollar deńgeiinde, ulttyq valiýta baǵamy bir dollar úshin 425 teńge deńgeiinde boljanyp otyr.
