Túrksib aýdanyndaǵy Parhach kólinen alynǵan zertteý synamalarynyń alǵashqy nátijesi jariialandy.
Qazgidromettiń habarlaýynsha, sý sapasyn taldaý 44 fizika-himiialyq kórsetkishter boiynsha júrgiziledi.
«Birinshi kúngi taldaý nátijeleri boiynsha sý óte lailanǵan (móldirligi-9) jáne shirigen balyqtyń iisi bar ekendigi atap ótildi.
Zerthanalyq taldaý nátijeleri boiynsha ottegini himiialyq tutyný boiynsha shekti normanyń 11 ese artýy tirkeldi – 380 mg/dm3. Bul toǵannyń organikalyq zattarmen lastanýyn kórsetedi. Qazirgi ýaqytta negizgi iondar, aýyr metaldar jáne 5 táýlikte ottegini biohimiialyq tutyný boiynsha sýdy taldaý jalǵasýda, olardyń nátijeleri qosymsha jariialanady», - delingen habarlamada.
Aita ketsek, Parhach kólinen óli balyqtardyń tabylýyna bailanysty tekserý jumystary bastalǵan bolatyn.
