Parijde aspannan Jerge qulaǵan salmaǵy 364 keli meteorit aýktsionǵa qoiyldy, dep habarlaidy Lucien aýktsion úiiniń saity.
Parijde 21 qazanda ótetin aýktsionda Jerge túsken aspan deneleri satylady. Onyń basty eksponaty – HIH ǵasyrdyń aiaǵynda Jerge qulaǵan salmaǵy 364 keli tartatyn Mon De meteoriti. Ol – Frantsiiadan tabylǵan meteoritterdiń ishindegi úlkendigi jaǵynan úshinshisi. Sarapshylar aspan denesin 80-120 myń eýro aralyǵynda baǵalap otyr.
Aýktsionǵa qoiylǵan taǵy bir lot – salmaǵy157 keli meteorit. Ony 1968 jyly Frantsiianyń soltústik-shyǵysyndaǵy Ob departamentinen fermer taýyp alǵan. Onyń quny – 30-50 myń eýroa aralyǵynda.
Meteoritterden tys, NASA túsirgen fotosýretter, Le Parisien jáne France Soir gazetteriniń Apollo 11 missiiasyna arnalǵan nómirleri, Ai beinelengen konvertter de aýktsionǵa qoiylǵan.
