Foto: olympic.uz
Parij olimpiadasynda eki ózbek sportshysy bir kúnde eki dúrkin olimpiada chempiony atandy.
Ózbekstandyq olimpiada chempiondary Ýlýgbek Rashitov pen Hasanboi Dýsmatov Parijde ótip jatqan olimpiada oiyndarynda ekinshi ret jeńistiń eń biik tuǵyryna kóterilip, eki dúrkin olimpiada chempiony ataǵyna ie boldy. Taekvondoshy Ýlýgbek Rashitov 68 kelide qarsylas shaq keltirmei, finalda iordaniialyq Zaid Karimnen basym tússe, 51 kelidegi Hasanboi Dýsmatov ta finalda frantsýz boksshysy Bilal Bennama 5:0 esebimen aiqyn jeńdi. Osylaisha Ýlýgbek Tokiodaǵy jetistigin qaitalasa, Hasanboi Riodaǵy nátijesine qaita qol jetkizdi.
Sóitip Ózbekstan quramasy jalpy komandalyq esepte 3 altynmen birden 18-orynǵa kóterildi. Biraq olardyń áli tórt boksshysy olimpiadanyń altyn júldesi úshin aiqasady.
Aita keteiik, ázirshe Qazaqstan qorjynynda Parij olimpiadasynyń 1 altyn, 3 kúmis, 3 qola júldesi bar. Jalpy komandalyq esepte quramamyz 31-orynda tur.
