Parij qalasynyń soty Tasyapi Insaat Taahhut San. ve Ticaret A.S. kompaniiasynyń aryzy boiynsha iste Qazaqstan paidasyna sheshim shyǵardy, - dep habarlaidy "Ult aqparat" Ádilet ministrliginiń baspasóz qyzmetine silteme jasap.
Is boiynsha sheshim 12 qazanda shyqty. Jábirlenýshi sottan budan buryn shyqqan tórelik sheshimniń kúshin joiýdy talap etti. Tórelik sheshimge sáikes Tashiapy Qazaqstannyń paidasyna 6,7 milliard teńge tóleýi qajet.
Qazaqstan Parij sotyna Tashiapynyń talap-aryzy negizsiz ekenin dáleldedi. Sonymen qatar, sot Tashiapyny Qazaqstannyń 30 000 eýro kóleminde ketken sot shyǵyndaryn óteýge mindettedi.
Avtomobil joldary komitetiniń Tashiapy arasyndaǵy "Aqtóbe - Maqat" jolyna qurylys júrgizý týraly kelisimsharttyq qatynastar osy tórelik daýdyń máni boldy. Talap-aryz somasy - 6,5 million AQSh dollary. 2019 jyldyń 3 jeltoqsanynda Singapýrdegi Halyqaralyq tórelik ortalyǵynyń tórelik soty Tashiapynyń talap-aryzdaryn qabyldamai, Qazaqstannyń qarsy talaptaryn qanaǵattandyrǵan edi. Tórelik sottyń orny da Parij qalasy bolǵan.
Osy is boiynsha memlekettiń múddelerin qorǵaýdy Qazaqstan Respýblikasynyń Ádilet ministrligi júzege asyrdy. Konsýltant retinde Curtis, Mallet-Prevost, Colt & Mosle LLP zań firmasy jaldanǵan.
