Foto: HOK baspasóz qyzmeti
Frantsiia astanasy Parij qalasynda ótip jatqan 2024 jylǵy Olimpiadalyq oiyndarda qazaqstandyq sportshylar jarysty tolyq aiaqtady.
Erkin kúreste Álishek Erǵali (97 keli) jubanysh beldesýinde búgin synǵa tústi. Bul básekede qazaqstandyq balýan irandyq Amir Ali Azarpirge ese jiberdi. Saldarynan ol qola júldege qol jetkize alǵan joq. Osylaisha el quramasynan sońǵy bolyp jarysty aiaqtady.
Aita ketsek, Parij Olimpiadasynda qazaqstandyqtar 25 sport túrinen 92 joldamaǵa ie bolǵan edi.
El quramasy 1 altyn, 3 kúmis, 3 qola medalmen ázirshe 41orynǵa turaqtap tur.
Altyn júldeni Olimpiadanyń alǵashqy kúni el qorjynyna dziýdodan 60 keli salmaqta Eldos Smetov syilaǵan bolatyn.
Al kúmis júldeni sporttyq gimnastikadan Nariman Qurbanov, grek-rim kúresinen 77 keli salmaqta Demeý Jadyaev jáne bokstan 80 keli salmaqta el namysyn qorǵaǵan Nurbek Oraldai jeńip aldy.
Qola medaldardy nysana kózdeýden komandalyq jarysta Islam Satpaev pen Aleksandra Le (tapanshamen 10 metrden atý), dziýdodan 66 keli salmaqta Ǵusman Qyrǵyzbaev jáne áielder boksynan 51 keli salmaqta el namysyn qorǵaǵan Nazym Qyzaibai jeńip aldy.
Parij Olimpiadasy búgin máresine jetedi. Saltanatty jabylý rásimi Astana ýaqytymen 23:00-ge josparlanǵan.
Oiyndardyń jabylýyn tikelei efirden 23:15-te JIBEK JOLY, Qazaqstan, Qazsport jáne Habar telearnalarynda kórýge bolady.
