Foto: Aqorda
Toqaev Parij Olimpiadasy júldegerlerinen koronavirýs anyqtalýyna bailanysty, kezdesýdi keiinge qaldyrdy, dep habarlaidy "Ult aqparat".
Memleket basshysynyń baspasóz hatshysy Berik Ýálidiń sózinshe,Toqaev Ulttyq qurama múshelerimen 15 tamyzda kezdesýdi josparlaǵan.
"Memleket basshysy 14 tamyzda Parij Olimpiadasynyń júldegerleri men bapkerler quramyn memlekettik nagradalarmen marapattaý týraly jarlyqqa qol qoidy. Prezident Ulttyq qurama múshelerimen búgin kezdesýdi josparlaǵan edi. Ókinishke orai, atletter men jattyqtyrýshylardyń jartysynan koronavirýs infektsiiasy anyqtaldy. Sol sebepti kezdesý keiinge shegerildi. Sportshylar men bapkerlerdiń tezirek saýyǵyp ketýine tilektespiz", – dedi Berik Ýáli.
Sondai-aq ol memleket basshysy Olimpiada júldegerlerin mindetti túrde qabyldaitynyn jetkizdi. Kezdesý tamyz aiynyń sońyna josparlanǵan eken.
